– ભુજંગી –
સમેટી બધો પાથરેલો તમાશો,
મહેમાન ચાલ્યાં, કરી રાતવાસો!
ન સાથે ગયાં : બિસ્તરા, પોટલાંઓ,
ન સંગે થયાં : વૈભવો કે વિલાસો!!
કમાયા તમે જે ગુણાકાર માંડો,
કરી બાદબાકી, ગુમાવેલ-છાંડો.
વધી રાખની સર્દ મૂઠી જવાબે?
ગણો ફેર : એના-તમારા હિસાબે!
છતાં તો થયા જિંદગીના દિલાસા,
છતાં ગૂંચવે કેમ હુંના ખુલાસા!
સદા મોત જીતે, સદા શ્વાસ હારે,
પડે ઊલટા-સૂલટા કેમ પાસા !
કળી ના શકું ચાલ એવી જ ચાલે,
રહે કાળ મૂગો, જરૂરી સવાલે!
હરેશ ‘તથાગત’
૮/‘જમના મેન્શન’, ૨, ગાયકવાડી પ્લોટ, રાજકોટ-૩૬૦ ૦૦૧
Your Content Goes Here