ભજન જેવડો ભરોસો રે મનવા…
ભજન જેવડો ભરોસો..
પધરાવો ત્રાજવાં ને તોલાં કૂવામાં,
ખાતાવહીના ખેલ છોડો;
કમાડો પાંચેપાંચ ભીતર ઉઘાડીને,
અનહદ સંગાથે નેહ જોડો.
કળાશે બેવડો ભરોસો….
ભજન જેવડો ભરોસો રે મનવા….
દીધાં-લીધાંની સમજી ભંગુરતાને,
બાળો ઈચ્છાનાં બાનાખત
અમરત હેલ્લારતું રુંવેરુંવેથી પાછું,
સોનેરી સાદ દેશે સત.
સૌથી વડો રે ભરોસો….
ભજન જેવડો ભરોસો રે મનવા..
હરેશ ‘તથાગત્’
Total Views: 172
Your Content Goes Here