પ્રગટ્યા પરમહંસ

એવું ભાસે કે દેવ! એકાએક દૂરથી આ

આવ્યા હો મારે આવાસ!

આંગણિયે આસપાસ લાગે કે ક્યાંક

હું તો સુણું પગરવનો આભાસ!

ભલે વસ્યા હો તમે દૂર દૂર ક્યાંક

કોઈ અમ્રતિયા તેજને પ્રદેશ,

મારે આ દ્વાર આવે આપની એ વાણીનો

સોડમિયો શીતલ સંદેશ!

પ્રસરે સમીર તણી લહરીમાં, દેવ!

કેવી આપના એ યોગની સુવાસ!

પ્રગટ્યા પરમહંસ, દેખાડ્યું દુનિયાને

આતમનું ઉજમાળું રૂપ,

સ્પર્શે ત્યાં પ્રાણીની માયા અલોપ થાય

સમાધિમાં ભાસતું સ્વરૂપ!

નયણાં બીડીને જરા સમરું તો દેવ!

હવે દેખાયે આછો ઉજાસ!

Total Views: 79
By Published On: May 1, 1993Categories: Bhanuprasad Pandya, Dr.0 CommentsTags: , ,

Leave A Comment

Your Content Goes Here

જય ઠાકુર

અમે શ્રીરામકૃષ્ણ જ્યોત માસિક અને શ્રીરામકૃષ્ણ કથામૃત પુસ્તક આપ સહુને માટે ઓનલાઇન મોબાઈલ ઉપર નિઃશુલ્ક વાંચન માટે રાખી રહ્યા છીએ. આ રત્ન ભંડારમાંથી અમે રોજ પ્રસંગાનુસાર જ્યોતના લેખો કે કથામૃતના અધ્યાયો આપની સાથે શેર કરીશું. જોડાવા માટે અહીં લિંક આપેલી છે.

Facebook
WhatsApp
Twitter
Telegram