હે! મારા આતમરામ!
હેરો તો મનભર હેરી લ્યો, દ્વાર ઊભા ઘનશ્યામ!
ઝંખના જેની જન્મથી જાગી,
રસનાને જેની રટણા લાગી :
ધખના ધગધગતી હતી ઊંડી અંતરમાં અભિરામ :
હેરો તો નયને હેરી લ્યો, દ્વાર આવ્યા ઘનશ્યામ!
ચાહયા’તા હેમંતને પંથે
ઝંખ્યા’તા કૈં રૂપવસંતે,
ગ્રીષ્મતણી બળબળતી લૂમાં, આવી ઊભા સૂમસામ :
હેરો તો ક્ષણભર હેરી લ્યો, ઊંબર પર ઘનશ્યામ!
માન્યું ‘આવશે’ ને ‘ના આવ્યા’ :
જાણ્યું : ‘આવશે ના’ ને આવ્યા :
આવન જાવનના અણસારા : પામવા હોય તો પાત્ર!
હે! મારા આતમરામ!
હેરો તો મનભર હેરી લ્યો, દૂર ચાલ્યો રે! ઘનશ્યામ?
દૂર ચાલ્યા આ ઘનશ્યામ!
Total Views: 157
Your Content Goes Here
