સિસ્ટર નિવેદિતા ૧૫૦મી જન્મજયંતી મહોત્સવ

ચેન્નઈ મઠ : આ કેન્દ્ર દ્વારા ૯ ફેબ્રુઆરીના રોજ વિવેકાનંદ હાઉસમાં વિવેકાનંદ નવરાત્રિ ઉત્સવ દરમિયાન નિવેદિતા વિષયક હરિકથા (સંગીતમય વક્તવ્ય) અને નિવેદિતા અંગે ખાસ ફોટો પ્રદર્શની પણ યોજાઈ હતી.

રાંચી-મોરાબાદી : આ કેન્દ્ર દ્વારા ૧૦ ફેબ્રુઆરી થી ૫ માર્ચ સુધી પાંચ તાલુકા કક્ષાનાં અને એક જિલ્લા કક્ષાનાં યુવા સંમેલનો યોજાયાં હતાં, જેમાં ૧૦૧૩ યુવાનોએ ભાગ લીધો હતો. ૮ માર્ચ, આંતરરાષ્ટ્રીય નારીદિનના રોજ સ્ત્રીસશક્તીકરણનો કાર્યક્રમ યોજાયો હતો, જેમાં ૧૦૧ ગામડાંની ૩૫૦ સ્ત્રીઓએ ભાગ લીધો હતો.

સ્વામીજીનું પૈતૃક નિવાસસ્થાન (કોલકાતા) : આ કેન્દ્ર દ્વારા ૨૨ ફેબ્રુઆરી અને ૧૮ માર્ચ એમ બે દિવસ પ્રવચનોનું આયોજન થયું હતું, જેમાં ૪૫૦ લોકો ઉપસ્થિત રહ્યા હતા.

ભારતનાં શાખા કેન્દ્રોના સમાચાર

સમાજલક્ષી સેવાની કદરરૂપે સિદ્ધાર્થ યુનાઈટેડ સોશિયલ વેલફેર મિશન દ્વારા રામકૃષ્ણ મઠ અને મિશનને SUSWM Great Social Service Award 2016 એનાયત કરાયો. મઠ અને મિશન વતી સ્વામી દિવ્યાનંદજીએ ૧૩ માર્ચના રોજ કોલકાતામાં યોજાયેલ કાર્યક્રમમાં આ એવોર્ડ સ્વીકાર્યો.

સારદાપીઠ : ૧ માર્ચના રોજ આ કેન્દ્રમાં સ્વામી વિવેકાનંદ વિષયક નૂતન પ્રદર્શનનું રામકૃષ્ણ મઠ અને મિશનના જનરલ સેક્રેટરીએ ઉદ્‌ઘાટન કર્યું. ૨૯ ફેબ્રુ.થી ૩ માર્ચ સુધી વિવેકાનંદ યુનિવર્સિટીએ વેદાંતની ત્રણ મુખ્ય વિચારસરણીઓ અંગે રાષ્ટ્રીય સેમિનારનું આયોજન કર્યું હતું. આંધ્રપ્રદેશ અને તેલંગણાના ગવર્નરશ્રી ઈ એસ એલ નરસિંહને આ સેમિનારનું ઉદ્‌ઘાટન કર્યું હતું, આ સમારોહનું પ્રમુખપદ જનરલ સેક્રેટરીએ શોભાવ્યું હતું. ૧થી ૫ માર્ચ દરમિયાન વેદાંત વિષયક વિશેષ પ્રવચનો યોજાયાં હતાં.

ચંડીપુર મઠ : આ કેન્દ્ર દ્વારા ૧૦ માર્ચના રોજ શ્રીરામકૃષ્ણદેવના પવિત્ર જન્મદિને શતાબ્દી ઉજવણીના કાર્યક્રમનો શુભારંભ કરવામાં આવ્યો. આશરે ૮૦૦૦ લોકોએ કાર્યક્રમો માણ્યા. ૧૨ માર્ચના રોજ શિક્ષક સંમેલન યોજાયું, જેમાં ૧૬૦ શિક્ષકોએ ભાગ લીધો. જનરલ સેક્રેટરીએ ૨૦ માર્ચના રોજ વિવેકાનંદ હોલના નવા બંધાયેલ પ્રથમ માળનું ઉદ્‌ઘાટન કર્યું અને યુવા સંમેલનને સંબોધિત કર્યું, જેમાં ૧૯૦ યુવાનોએ ભાગ લીધો હતો.

બાગબજાર મઠ : ૨૫ માર્ચના રોજ સ્વામી શિવમયાનંદજી તથા અન્યની ઉપસ્થિતિમાં જનરલ સેક્રેટરીએ આ કેન્દ્ર દ્વારા નવા બંધાયેલ વોકેશનલ-ટ્રેનિંગ-કમ-પ્રોડક્શન કેન્દ્રનું ઉદ્‌ઘાટન કર્યું હતું, આ એકમ પ્રાણકૃષ્ણ મુખરજી લેન, કોલકાતામાં આવેલું છે.

ચેન્નઈ સ્ટુડન્ટ્સ હોમ : આ કેન્દ્રના પોલિટેક્નિકના વિદ્યાર્થીઓએ તામીલનાડુ સરકારના ટેક્નિકલ એજ્યુકેશન ડિપાર્ટમેન્ટ દ્વારા આયોજિત Inter Polytechnic Athletic Association Divisional Tournament 2015-16 માં ભાગ લીધો હતો અને આ રમતોમાં વિજય પ્રાપ્ત કર્યો હતો – ખોખો (પ્રથમ), હેન્ડબોલ (પ્રથમ), બેડમિન્ટન (દ્વિતીય), ક્રિકેટ (તૃતીય), કબડ્ડી (તૃતીય). વિદ્યાર્થીઓએ IPAA Divisional Athletic Meetમાં પણ ભાગ લઈને વિવિધ રમતોમાં ૨૨ ઈનામો મેળવ્યાં હતાં. વળી કોલેજે ટુર્નામેન્ટમાં ઓવરઓલ ચેમ્પિયનશીપ ફોર સ્પોર્ટ્સ એન્ડ ગેમ્સ અને ઓવરઓલ ચેમ્પિયનશીપ ફોર એથ્લેટીક્સ એવોર્ડ મેળવ્યા હતા. તદુપરાંત ઈન્ટર-ડિવિઝન સ્પોર્ટ્સમીટમાં તેઓએ ખોખો અને માર્ચપાસ્ટમાં પ્રથમ સ્થાન અને એથ્લેટીક વિભાગમાં ત્રણ ઇનામો મેળવ્યાં હતાં.

કીંગ ઝું કાર્લાેસ યુનિવર્સિટી, મેડ્રિડ, સ્પેન તેના કેમ્પસમાં Model United Nations (MUN) નામના કાર્યક્રમનું આયોજન કરે છે. આ કાર્યક્રમમાં આંતરરાષ્ટ્રીય વિષયોને સ્પર્શતી બાબતોના પરિસંવાદમાં રાષ્ટ્ર કે આંતરરાષ્ટ્રીય સંસ્થાના પ્રતિનિધિઓ ભાગ લે છે. ચેન્નઈ વિદ્યાપીઠના એક વિદ્યાર્થીએ ૨ થી પ ફેબ્રુઆરી દરમિયાન યોજાયેલ MUNના ચોથા કાર્યક્રમમાં Human Rights Councilના ચેરપર્સન તરીકે ભાગ લીધો હતો.

દેવઘર : ૧૨ જાન્યુઆરીના રોજ CBSE દ્વારા સ્વામીજીને સ્પર્ધાની વિષયવસ્તુ બનાવીને ‘Expression Series’નું આયોજન કરાયું હતું. દેવઘર વિદ્યાપીઠના ધોરણ ૯ના એક વિદ્યાર્થીએ તેમાં ભાગ લીધો હતો અને તેને સ્વામીજી વિશેના સંસ્કૃતભાષામાં લખાયેલ નિબંધ માટે રૂા. ૨૫૦૦/- રોકડરૂપે અને માનપત્ર એનાયત કરાયાં હતાં.

સ્વચ્છ ભારત અભિયાન

ચેન્નઈ સ્ટુડન્ટ્સ હોમ : આ કેન્દ્રના પોલિટેક્નિકના વિદ્યાર્થીઓએ ૨૭ ફેબ્રુઆરીના રોજ ચેન્નઈની ગવર્નમેન્ટ હોસ્પિટલની સ્વચ્છતા કરી હતી.

કામારપુકુર : આ કેન્દ્ર દ્વારા ૨૭મી માર્ચના રોજ યોજાયેલ ચોથા તબક્કાના સ્વચ્છતા કાર્યક્રમમાં સંન્યાસીઓ, કર્મચારીઓ અને સ્વયંસેવકોએ કામારપુકુર ગામ અને આજુબાજુના વિસ્તારોની કેટલીક શેરીઓની સફાઈ કરી.

નાગપુર : વર્ષભર ચાલનારા સ્વામી અખંડાનંદ સ્વચ્છતા પ્રકલ્પ હેઠળ નાગપુર મઠ દ્વારા ત્રણ સ્વચ્છતા કાર્યક્રમો યોજાયા, જેમાં ૮૦ જેટલી વ્યક્તિઓએ નાગપુરના ગંદા વિસ્તારોની સફાઈ કરી.

ઈન્દોર : ૨૧મી માર્ચના રોજ ઈન્દોરની શાળાના વિદ્યાર્થીઓએ શહેરના જાહેર માર્ગની સફાઈ કરી.

મૂલ્યલક્ષી શિક્ષણ અને યુવલક્ષી કાર્યક્રમોે

દિલ્હી : આ કેન્દ્રે શાળાના આચાર્યોની કાર્યશિબિર ૧૬મી માર્ચે યોજી, જેમાં ૧૮૬ વ્યક્તિઓએ ભાગ લીધો. ૨૯ અને ૩૦ માર્ચના રોજ શિક્ષકો માટેની કાર્યશિબિર યોજી, જેમાં ૧૨૮ શિક્ષકોએ ભાગ લીધો.

ગુરાપ : આ કેન્દ્ર દ્વારા ૨૫ અને ૨૬ માર્ચના રોજ મૂલ્યલક્ષી શિક્ષણ અંગેના બે કાર્યક્રમો યોજાયા, જેમાં બન્ને દિવસોએ ૩૮૦ વિદ્યાર્થીઓએ ભાગ લીધો.

હરિપાડ : આ કેન્દ્ર દ્વારા ફેબ્રુઆરી-માર્ચ દરમિયાન યોજાયેલ ૯ મૂલ્યલક્ષી શૈક્ષણિક શિબિરોમાં કુલ ૧૦૪૪ વિદ્યાર્થીઓએ ભાગ લીધો.

જમ્મુ : આ કેન્દ્ર દ્વારા ૬ માર્ચના રોજ મૂલ્યલક્ષી કેળવણીનો કાર્યક્રમ યોજાયો હતો, જેમાં આશરે ૨૦૦ લોકોએ ભાગ લીધો.

કામારપુકુર : ૧૫ અને ૨૬ માર્ચના રોજ આ કેન્દ્ર દ્વારા મૂલ્યલક્ષી કેળવણીનો સેમિનાર યોજાયો, જેમાં કુલ મળીને ૮૦૦ પ્રતિનિધિઓએ ભાગ લીધો.

ખેતરી : આ કેન્દ્ર દ્વારા ૨૦ જાન્યુઆરીથી ૨૦ ફેબ્રુઆરી દરમિયાન વિવિધ કાર્યક્રમો યોજાયા. ખેતરી અને નજીકના વિસ્તારોની શાળા-કોલેજોમાં યોજાયેલ મૂલ્યલક્ષી શિક્ષણના ૨૧ કાર્યક્રમોમાં ૨૩૨૪ વિદ્યાર્થીઓેએ અને ૬૯ શિક્ષકોએ ભાગ લીધો. વ્યક્તિગત સલાહનાં પાંચ સત્રોમાં ૪૭ વિદ્યાર્થીઓને તજ્જ્ઞો દ્વારા માર્ગદર્શન અપાયું.

પૂના : આ કેન્દ્ર દ્વારા ૨૬ ફેબ્રુઆરીના રોજ વ્યક્તિત્વ વિકાસ અંગે સેમિનાર યોજાયો જેમાં નર્સીંગ શાખાના ૧૬૫ વિદ્યાર્થીઓએ ભાગ લીધો.

વિશાખાપટ્ટનમ્ : આ કેન્દ્ર દ્વારા ૧૬ જાન્યુઆરીથી ૬ ફેબ્રુઆરી સુધી સ્વામી વિવેકાનંદની ઉક્તિઓ અંગે સ્પર્ધાઓ યોજાઈ હતી જેમાં આંધ્રપ્રદેશના ત્રણ જીલ્લાની ૧૯૬ શાળાના ૧૮૪૦૦ વિદ્યાર્થીઓએ ભાગ લીધો હતો.

ભારત બહારનાં શાખા કેન્દ્રોના સમાચાર

ફીજી : ૧૯મી માર્ચના રોજ રામકૃષ્ણ મિશન, ફીજીની સ્વામી વિવેકાનંદ કોલેજે નેતૃત્વલક્ષી કાર્યક્રમની સહયોજના કરી હતી, જેમાં નાદીની ૯ માધ્યમિક શાળાના ૨૪૧ વિદ્યાર્થીઓ અને ૩૭ શિક્ષકોએ ભાગ લીધો હતો.

રામકૃષ્ણ સંઘનાં કેન્દ્રો દ્વારા ચીજ-વસ્તુઓનું થયેલ વિતરણકાર્ય

અલમોડા : આ કેન્દ્ર દ્વારા ૧ જાન્યુઆરી થી ૨૦ માર્ચ સુધીમાં ૪૧ સ્વેટર અને ૧ બ્લેઝર અપાયાં હતાં.

બેલઘરિયા : આ કેન્દ્ર દ્વારા ૧૮ માર્ચના રોજ ૯ કોટનું વિતરણ થયું હતું.

ચેરાપુંજી : આ કેન્દ્ર દ્વારા ફેબ્રુઆરી માસમાં ૧૯ શાલનું વિતરણ થયું હતું.

દાર્જિલિંગ : આ કેન્દ્ર દ્વારા ૧૪ જૂન થી ૨૭ માર્ચ સુધીમાં ૨૬૬૨ શાલનું વિતરણ થયું હતું.

લાલગઢ : આ કેન્દ્ર દ્વારા ૨ થી ૨૦ જાન્યુઆરી સુધીમાં ૧૦૦ જેકેટ્સનું વિતરણ થયું હતું.

લખનૌ : આ કેન્દ્ર દ્વારા ૨૬ જાન્યુઆરી થી ૧ માર્ચ સુધીમાં ૪૦૩૮ જેકેટ અને ૧૭૪૫ સ્વેટરનું વિતરણ થયું હતું.

માયાવતી : આ કેન્દ્ર દ્વારા ૨૬ જાન્યુઆરી થી ૫ માર્ચ સુધીમાં ૨૦૦૦ જેકેટ અને ૫૦૦૦ સ્વેટરનું વિતરણ થયું હતું.

પૂણે : આ કેન્દ્ર દ્વારા ૫ થી ૨૮ ફેબ્રુઆરી સુધીમાં ૬૫૦ સ્વેટરનું વિતરણ થયું હતું.

વિશાખાપટ્ટનમ્ : આ કેન્દ્ર દ્વારા ૨૦ ફેબ્રુ.થી ૧૩ માર્ચ સુધીમાં ૧૫૦૦ જેકેટ અને ૩૫૦૦ સ્વેટરનું વિતરણ થયું.

રામકૃષ્ણ સંઘનાં કેન્દ્રો દ્વારા થયેલ આર્થિક પુન : સ્થાપન સેવાકાર્ય

ચંડીપુર : આ કેન્દ્ર દ્વારા ૧૪ ફેબ્રુઆરીના રોજ ૮ સીવણ મશિનનું વિતરણ કાર્ય થયું હતું.

મૈમનસિંગ (બાંગ્લાદેશ) : આ કેન્દ્ર દ્વારા ૧૧ માર્ચના રોજ ૬ ગાયનું વિતરણ કાર્ય થયું હતું.

રામકૃષ્ણ સંઘનાં કેન્દ્રો દ્વારા થયેલ અન્ય રાહત સેવાકાર્ય

ફિઝી : આ કેન્દ્ર દ્વારા વિન્સ્ટન નામના વાવાઝોડાથી પીડિતોમાં ૨૦૦ કિલો ચોખા, ૧૦૦ કિલો દાળ, ૧૦૦ મીઠું, ૧૦ જાતની શાકભાજીનાં ૪૯૬૦ પેકેટ અને કપડાંનું વિતરણ થયું હતું. ૨૭ ફેબ્રુઆરી થી ૨૧ માર્ચ સુધીમાં ૪૧૭ દર્દીઓની આરોગ્ય ચિકિત્સા-સેવા થઈ હતી.

કાઠમંડુ : આ કેન્દ્ર દ્વારા નેપાળના ધરતીકંપથી પીડિત લલિતપુર અને નુવાકોટ જિલ્લાના ૮૧૬૯ કુટુંબોમાં ૭૪૭૬ ધાબળા, ૨૫૨૦ ફોમ શીટ, ૧૯૬૨ પ્લાસ્ટિક શીટ, ૪૧૫૯ વાસણસેટ (બે ઘડા, પાંચ થાળી-વાટકા-ચમચા અને કડછી)નું વિતરણ કાર્ય થયું હતું. આ ઉપરાંત ૪ થી ૧૨ ફેબ્રુઆરી સુધીમાં શાંખારપુર અને કાઠમંડુનાં ૮૨ કુટુંબોને ૫૦૦૦ વાંસ મકાન બાંધકામ માટે અપાયા હતા.

કોઈમ્બતૂર મઠ : આ કેન્દ્ર દ્વારા ૧ થી ૨૯ માર્ચ સુધીમાં તિરુવલ્લુર જિલ્લાના વણગિવક્મ્ ગામનાં ૮ કુટુંબોને ૬૯૦૦ નાળીયેરી પાન, ૨૧૪૯ કેસ્યુરિના પોલ્સ, ૪૧ કિલો કોઈલ રોપ, ૯ કિલો ખીલા, ૪ પાઈપ, ૮ સીમેન્ટ શીટ અને ૨૦ જે-બોલ્ટ અપાયાં હતાં.

ઉત્તરાખંડ-દહેરાદૂન : આ કેન્દ્ર દ્વારા અગત્સ્યમુનિમાં અનસૂયા પ્રસાદ બહુગુણા સરકારી અનુસ્નાતક કોલેજમાં બહેનો માટે ૩ માળની હોસ્ટેલ તેમજ ૩ માળના અનુસ્નાતક બ્લોકનું ઉદ્‌ઘાટન ૧૬ માર્ચના રોજ થયું હતું. સંઘના જનરલ સેક્રેટરી, સ્વામી સુવીરાનંદ, સ્વામી નિત્યશુદ્ધાનંદ અને બીજા સંન્યાસીઓ તેમજ ઉત્તરાખંડ સરકારના સ્થાનિક નેતાઓ આ પ્રસંગે ઉપસ્થિત હતા. રામકૃષ્ણ સંઘના મુખ્ય મથક દ્વારા દહેરાદૂન કેન્દ્રે ૨૦૧૩ના પૂરમાં તારાજ થયેલાં આ મકાનોનું પુન : બાંધકામ કર્યું હતું.

રામકૃષ્ણ સંઘનાં કેન્દ્રો દ્વારા અસહાય લોકો માટે થયેલ રાહત-સેવાકાર્ય

બેલઘરિયા : આ કેન્દ્ર દ્વારા ૧૮ માર્ચના રોજ ૩૮૧ ઝભ્ભા, ૨૨૨ ધોતિયાં, ૫૦ લૂંગી, ૪૦૦ લેંઘા, ૨૪ શેરવાની અને ૩૦ દુપટ્ટાનું વિતરણ થયું હતું.

ચંડીપુર : આ કેન્દ્ર દ્વારા ૧૧ નવેમ્બર થી ૧૦ ફેબ્રુઆરી સુધીમાં ૧૦૧ સાડી, ૧૩૦ ધોતિયાં, ૧૫૩ નોટબૂક અને ૩૬ બંડલ કાગળનું વિતરણ થયું હતું.

ચેરાપુંજી : આ કેન્દ્ર દ્વારા ૧૭ ફેબ્રુઆરીએ ૫૨ સાડીનું વિતરણ થયું હતું.

હલસુરુ : આ કેન્દ્ર દ્વારા ૧૮ ફેબ્રુઆરી થી ૨૯ માર્ચ સુધીમાં ૨૦૦૦ સાડી, ૫૦૦૦ શર્ટ, ૨૫૦૬ પેન્ટનું વિતરણ થયું હતું.

જયરામવાટી : આ કેન્દ્ર દ્વારા ૧૫ ડિસેમ્બર થી ૧૭ જાન્યુઆરી સુધીમાં ૪૩૨૦ સાડી, ૫૦૦ ધોતિયાંનું વિતરણ થયું હતું.

કોઆલપાડા : જયરામવાટીના આ કેન્દ્ર દ્વારા ૯ થી ૨૨ ડિસેમ્બર સુધીમાં ૮૦૦ સાડીનું વિતરણ થયું હતું.

લાલગઢ : આ કેન્દ્ર દ્વારા ૨ થી ૨૦ જાન્યુઆરી સુધીમાં ૨૦૦ સાડી અને ૧૦૦ લૂંગીનું વિતરણ થયું હતું.

લખનૌ : આ કેન્દ્ર દ્વારા ૨૬ જાન્યુ. થી ૧ માર્ચ સુધીમાં ૫૬૬૧ શર્ટ, ૧૫૪૩ લેંઘા, ૩૦૦૯ ટીશર્ટનું વિતરણ થયું હતું.

નાગપુર : આ કેન્દ્ર દ્વારા ૧૫મી માર્ચે ૧૪૫ સાડી, ૨૫ શર્ટ, ૨૫ લેંઘા, ૧૦૦ નંગ નહાવાના સાબુ અને ૫૦ નંગ ધોવાના સાબુનું વિતરણ થયું હતું.

નટ્ટરામપલ્લી : આ કેન્દ્ર દ્વારા ૧૮ થી ૨૯ ફેબ્રુઆરી સુધીમાં ૫૯૮ શર્ટ અને ૩૮૪ લેંઘાનું વિતરણ થયું હતું.

પૂણે : આ કેન્દ્ર દ્વારા ૫ થી ૨૮ ફેબ્રુઆરી સુધીમાં ૯૭૭ શર્ટ અને ૨૮૫ લેંઘાનું વિતરણ થયું હતું.

રાજમહેન્દ્રવરમ્ (રાજમુન્દ્રી) : આ કેન્દ્ર દ્વારા ૪ માર્ચના રોજ ૮૦ ટિફિન, ૪૦ સાદડી, ૪૦ ઓછાડ, ૪૦ ઓશિકાં, ૨૦ કિલો હોર્લિક્સ, ૮૦ પેકેટ બિસ્કિટનું વિતરણ થયું હતું.

વિશાખાપટ્ટનમ્ : આ કેન્દ્ર દ્વારા ૨૦ ફેબ્રુઆરી થી ૧૩ માર્ચ સુધીમાં ૧૦,૦૦૦ શર્ટ અને ૫,૦૦૦ લેંઘાનું વિતરણ થયું હતું.

રાજકોટ : આ કેન્દ્ર દ્વારા ૯ થી ૨૧ ફેબ્રુઆરી સુધીમાં મોરબી જિલ્લાના વરસામેઢી, હરિપર, ટિકર, હળવદ ચોકડી અને રાજકોટ શહેરના પછાત વિસ્તારનાં ૭૭૭ કુટુંબોની ૩૧૦૨ વ્યક્તિઓમાં ૩૬૦૧ શર્ટ, ૧૮૧૮ લેંઘા અને ૩૬૧૧ સ્વેટરનું વિતરણ થયું હતું.

Total Views: 153
By Published On: May 1, 2016Categories: Samachar Darshan0 CommentsTags: , ,

Leave A Comment

Your Content Goes Here

જય ઠાકુર

અમે શ્રીરામકૃષ્ણ જ્યોત માસિક અને શ્રીરામકૃષ્ણ કથામૃત પુસ્તક આપ સહુને માટે ઓનલાઇન મોબાઈલ ઉપર નિઃશુલ્ક વાંચન માટે રાખી રહ્યા છીએ. આ રત્ન ભંડારમાંથી અમે રોજ પ્રસંગાનુસાર જ્યોતના લેખો કે કથામૃતના અધ્યાયો આપની સાથે શેર કરીશું. જોડાવા માટે અહીં લિંક આપેલી છે.

Facebook
WhatsApp
Twitter
Telegram