(રાજપૂતાનાના ખેતડીના મહારાજા પ્રતિ)
ઢંકાય છો સૂર્ય ઘટાથી મેઘલી,
ને, આભ હો સાવ વિષાદથી ભર્યું,
તો’યે ટકી રહે ઘડી, વીર હૈયા,
જય છે જ નિશ્ચિત. – ૧
ન શીત જેનાં પગલે વસંત ના;
ન ખીણ કો શૃંગ થકી વિહીન;
છાયા-પ્રભા પાછળ એકમેકની;–
ધૃતિ તો ધરી રહે. – ૨
આ જિન્દગીની ફ૨જો છે કારમી,
અને સુખો છે ક્ષણજીવી એનાં,
ને, લક્ષ્ય દેખાય જ સાવ ધૂંધળું,
તોયે, ધપ્યે જા તિમિરોની સોંસરો
એકાગ્ર તાકતે. – ૩
કલ્યાણકૃત્ કૈં તણી ન્હોય દુર્ગતિ,
આશા ભલે ને બનતી નિરાશા.
તારી પ્રજા સર્વ સમૃદ્ધિ પામશે;
ટકી રહે તો ઘડી, વીર આત્મ;
ના શુભ થાય મિથ્યા. -૪
થોડા જ છે માનવ સુજ્ઞ-પ્રજ્ઞ;
લગામ તો’યે કરમાંહીં એમના;
મોડે પ્રીછે લોકસમૂહ એમને;
કરુણાથી દોર તું. – ૫
છે ભે૨ માંહી તુજ આર્ષદ્રષ્ટા,
સંગાથ તારી બલના છે સ્વામી,
આશિષ સૌની તુજ પે મહાત્મ હે;
બનશે બધું શુભમ્. – ૬
Your Content Goes Here