નરેન તીક્ષ્ણ બુદ્ધિશક્તિ અને શુદ્ધ તર્કશક્તિ ધરાવતો હતો. તે હંમેશાં જે કંઈ સાંભળતો તેની પરીક્ષા કરતો અને પછી જ અમલ કરતો. રમતના એક ભાગ તરીકે પાડોશમાં આવેલ એક મોટા વૃક્ષ પર ચડીને તેની ડાળીઓ પર બધાં બાળકો ઊંધે માથે ટિંગાતાં.
એમને ડરાવવાનો પ્રયાસ કરતા એક વૃદ્ધજને તેઓને કહ્યું, ‘આ વૃક્ષ પર એક ભયંકર રાક્ષસ રહે છે. એ તમને ગળે ટૂંપો દઈને મારી નાખશે.’ છોકરાઓ ગભરાઈને ત્યાંથી ભાગી જવા ઇચ્છતા હતા.
નરેને તે બધાંને શાંત રહેવા સમજાવ્યા, ‘મિત્રો, આપણે અહીં ઘણા સમયથી આ જ રીતે રમીએ છીએ ને આપણે અનેકવાર વૃક્ષ પર ચડ્યા છીએ. જો ખરેખર આ વૃક્ષ પર કોઈ ભયંકર રાક્ષસ રહેતો હોત, તો તેણે ઘણા સમય પહેલાં જ આપણને મારી નાખ્યા હોત.’ નરેને તો ત્યાં રમવાનું ચાલુ જ રાખ્યું.
આ પુસ્તક ઓનલાઇન ખરીદો