(ગીત)
(૧)
ચિત્ત બન્યું, પ્રભુ વ્યાકુળ મારું,
ઉરનો ભાર હું ક્યાંજ ઊતારું?
કોમળ ફૂલ સમ હૈયું મારું,
વિરહ સહી બન્યું આળું!
ધન્ય, મધુર, કારુણ્યની ગાથા, કોને શ્રવણ ઉચ્ચારું?
– ચિત્ત બન્યું, પ્રભુ વ્યાકુળ મારું!
(૨)
દૂર રહ્યાં સુન્દર તવ નેત્રો!
દૂર વસ્યા તારા આશ્લેષો!
દૂર રહી મૃદુ પગપાની ત્યાં,
ઉરનો અળતો ક્યાં જ ઉતારું?
– ચિત્ત બન્યું, પ્રભુ વ્યાકુળ મારું!
(૩)
વ્યર્થ બધા આ નવ રસ છંદો!
વ્યર્થ બધા પૃથ્વીના ગંધો!
ગુંજે ક્યાં જઈને સ્વરભ્રમરો,
દૂર હજુ, દૂર હજુ, પદપંકજ ચારુ!
– ચિત્ત બન્યું, પ્રભુ વ્યાકુળ મારું!
Total Views: 90
Your Content Goes Here
