જિંદગી પસંદ મને જિંદગી પસંદ!
મોતની મજાક ભરી
મોજના મિજાજ ધરી
ખુશખુશાલ ખેલતી જવાંદિલી પસંદ!
જિંદગી પસંદ મને જિંદગી પસંદ.
નૌબનૌ સુગંધ મહીં
જાય જે અબંધ વહી
તાજગી ભરેલ એ તવંગરી પસંદ!
જિંદગી પસંદ મને જિંદગી પસંદ.
સલામ હી હિસાબને
કલમ અને કિતાબને
જમા-ઉધારને જલાવતી મજલ પસંદ!
જિંદગી પસંદ મને જિંદગી પસંદ.
ગુલબહારી મ્હેક સમી
એ હયાતી એક ગમી
ફોરમે રમી રહી ફનાગીરી પસંદ!
જિંદગી પસંદ મને જિંદગી પસંદ.
મોતની મજાક સમી
જિંદગી પસંદ!
Your Content Goes Here