ભાઈ રે, આપણા દુ:ખનું કેટલું જો૨?
નાની એવી જાતક વાતનો મચવીએ નહિ શોર.
ભાઈ રે, આપણા દુ:ખનું કેટલું જો૨?
ભારનું વાહન કોણ બની રહે નહિ અલૂણનું કામ,
આપણ તો બડભાગી, ખમીરનું આજ ગવાય રે ગાન,
સજલ મેઘની શાલયે સોહે રંગધનુષની કો૨.
ભાઈ રે, આપણા દુ:ખનું કેટલું જો૨?
જલભરી દૃગ સાગર પેખે, હસતી કમળ ફૂલ,
કોકડું છે પણ રેશમનું એનું ઝીણું વણાય દુકૂલ:
નિબિડ રાતનાં કાજળ પાછળ પ્રગટે અરુણ ભો૨.
ભાઈ રે, આપણા દુ:ખનું કેટલું જો૨?
આપણે ના કંઈ રંક ભર્યોભર્યો મંહ્યલો કોશ અપાર,
આવવા દો જેને આવવું, આપણે મૂલવશું નિરધાર:
આભ ઝરે ભલે આગ, હસીહસી ફૂલ ઝરે ગુલમ્હો૨.
ભાઈ રે, આપણા દુઃખનું કેટલું જો૨?
Total Views: 80
Your Content Goes Here
