પ્રેમળ જ્યોતિ તારો દાખવી
મુજ જીવન પંથ ઉજાળ.
પ્રેમળ.
દૂર પડ્યો નિજધામથી હું ને, ઘેરે ઘન અંધાર
માર્ગ સૂઝે નવ ઘોર રજનીમાં, નિજ શિશુને સંભાળ,
મારો જીવન પંથ ઉજાળ,
પ્રેમળ.
ડગમગતો પગ રાખ તું સ્થિર મુજ, દૂર નજર છો ન જાય,
દૂર માર્ગ જોવા લગીર ન, એક ડગલું બસ થાય
મારે એક ડગલું બસ થાય.
પ્રેમળ.
આજ લગી રહ્યો ગર્વમાં હું ને, માગી મદદ ન લગાર
આપ બળે માર્ગ જોઈને ચાલવા, હામ ધરી મૂઢ બાળ
હવે માગું તુજ આધાર
પ્રેમળ.
ભભકભર્યા તેજથી હું લોભાયો, ને ભય છતાં ધર્યો ગર્વ
વીત્યા વર્ષોને લોપ સ્મરણથી, સ્ખલન થયા જે સર્વ
મારે આજ થકી નવું પર્વ…
પ્રેમળ.
Total Views: 174
Your Content Goes Here
