ચરણકમલ ચૂમ્યાં મેં મૈયા! આજ નિરવ મમ સમણે
શાંતિનાં જલ અમીમય વહેતાં કલકલ જ્યાં તવ ચરણે.
યુગો યુગોથી ભમ્યો નિરંતર રવડયો ભવની વાટે;
જનમ જનમની તૃષા લઈને દેશકાળને ઘાટે :
અગન અનાદિ જલતી ભીતર, બૂઝી નહીં કોઈ સ્રવણે,
સરવર નદીજલ નિર્ઝર ગિરીવર-ભટક્યો ક્યાં ક્યાં ભ્રમણે?
ક્ષણ ટહુકી સોનાની આજે? -સમણે આંખ ઉઘાડી;
ધન્ય ધન્ય પેખું નિજ ભીતર દિવ્ય કૃપાની ઝારી!
ઝરતી મારે અંગ અંગ, રગરગમાં ઝંકૃત પ્રાણે,
ચરણકમલ ચૂમ્યાં જ્યાં તારાં, આતમ જાગ્યો રમણે!
મનોહર દેસાઈ
Your Content Goes Here