(શિખરિણી સોનૅટ)
કદી મેં ઇચ્છાઓ અવગણી નથી, રોકી ય નથી;
સ્વયં ફૂટે તેને સહજ સ્ફુરવા ને વિકસવા
દીધી છે, વાસંતી તરુ જયમ વને દક્ષિણ હવા
ઝીલીને ખીલી રહે કુસુમિત થઈ – ટોકી ય નથી;
અહો કેવી કેવી લગની લગીં તી! કૈં કશી વળી
સ્ફુરીં તી ઇચ્છાઓ! કંઈ કંઈ ચગ્યાં સ્વપ્ન ય હતાં!
અરે પ્રાર્થ્યું માગ્યું વિનત થઈ કૈં કૈં વિનવતાં;
રહું જોઈ એનો વિફલ ઢગ એકત્રિત કરી;
હું મારી સંધ્યાને સમયતટ બેઠો જીવનને
વિલોકું છું: વીણી વીણી વિફલ સ્વપ્નોની કળીઓ,
કળીઓ ઇચ્છાની લઈ સ્રજ ગૂંથું જે ન ફળીઓ,
કરું આ માળા યે અરપણ તમારા જ ચરણે;
-પછી પ્રત્યૂષે મેં નિરખ્યુ: સ્રજ કંઠે ધરી હતી
તમે જાતે! તેમાં ફૂલ જ ફૂલ, એક્કે કળી ન’તી!
– ઉશનસ્
Your Content Goes Here